नेकपा एमाले जिल्ला कमिटी तेह्रथुमको १० औँ जिल्ला अधिबेशनको तयारीको सन्दर्भमा प्रचार प्रसार समितिका संयोजक छत्रप्रसाद रिमालसंग पत्रकार कृष्ण विदुखी गौतमले गरेको कुराकानी –image

नेकपा एमाले तेह्रथुमको दशौ जिल्ला अधिबेशनको भब्यताका साथ सम्पन्न हुदैछ भन्ने हल्ला छ तयारी कहाँ पुगेको छ ?

नेकपा एमाले तेह्रथुमको जिल्ला अधिबेशन आगामी २०७३ जेठ २९–३१ गते ऐतिहाँसिक रुपमा सम्पन्न हुदैछ । यो अधिबेशनलाई ब्यवस्थित गर्नकालागि मुल ब्यबस्थापन समितीले ७ वटा उपसमिती निर्माण गरेर उपसमितीलाई जिम्मेवारी दिएको छ । सबै उपसमितीहरुले विभागीय हिसाबले कामको कार्ययोजना बनाएर काम गरिरहेको छन् । त्यसमा म प्रचार प्रसार समितीको संयोजकको हैसियतले प्रचार प्रसारमा हामी यो खुशीयालीमा पार्टीको ऐतिहाँसिक दशौ जिल्ला अधिबेशन सम्पन्न गर्न गई रहेका छौ भनेर जिल्ला ब्यापीरुपमा अपिल वितरण भई रहेको छ ।

अधिबेशनको जानकारीका लागि तेह्रथुमका २ वटा एफ एम रेडियो र पाँचथर जिल्लाका १ वटा एफ एम वाट प्रचारात्मक सन्देश बजिरहेको छ । जिल्ला सम्मेलनको सन्देशलाई आम पार्टीका कार्यकर्ता समक्क्ष पुर्याउँनकालागि जिल्लाका मुख्य बजारहरु बसन्तपुर , आठराई संक्रान्ति बजार, चुहानडाँडा , औसीवजार , मोहोराहाङ्ग बजार , जिरिखिम्ति बजार । लसुने बजार र शुक्रबारेबजार गरि र जिल्ला सदरमुकाममा राखि सकिएको छ । त्यसरीनै पोष्टर पमप्लेट पनि जिल्ला ब्यापि रुपमा हामिले टाँसी सकेको छौ । वाल पेन्टिङ जिल्ला सदरमुकाम र जिरिखिम्ति बजारमा गरिएको छ । सम्मेलनलाई सजिसजाउ गर्नको लागि तुल ब्यानर र स्वागत गेट निर्माण गर्ने कार्य शुरु भई रहेको जानकारी गराउँन चाहान्छु । यस सम्मेलनको अझ सुन्दर पक्ष भनेको हाम्रो जिल्लाको पहिचान झल्किने खालको १०औ जिल्ला सम्मेलन लेखिएको हँसिया हतौडा अंकित लोगो डिजाईन गरेर सबै प्रचार सामाग्रीमा राखिएको छ । अझ सम्मेलनमा भाग लिन आउँने प्रतिनिधी स्वयंसेवक अतिथि र कलाकार हरुकोलािग पार्टीको कोष खर्च नहुने गरि आर्थिक ब्यवस्थापन बाहिरै वाट मिलाएर (क्याप) टोपीको समेत निःशुल्क ब्यवस्थापन मिलाएको छु । यसले सम्मेलनको राम्रो प्रचार होला भन्ने लागेकोले हजारौ नेता कार्यकर्ताको विचमा यो अधिबेशन सम्पन्न गर्दैछौ ।

अधिबेशनको मिति नजिकिदै गर्दा विभिन्न पदमा उम्मेरद्धारी दिनेहरुको संख्या निकै पाएको छु , के यस पटक सर्बसम्मत हुदैन कि के हो ?

हाम्रो पार्टी नेकपा एमालेको अधिबेशनमा आज सम्म सबै पदहरुमा सर्बसम्मत नै भएको छ । रहर र ईच्छा धेरैको हु्नु स्वभाविक नै हो । तर अहिले सम्म पार्टीमा निरन्तर विशौ बर्ष भन्दा बढि समय काम गरेर आएका कमरेडहरु हुनुहुन्छ । त्यसकारण यो स्वभाविकै पनि छ । जहाँ सम्म सर्बसम्मतको सवाल छ । सर्बसम्मत होला र हुनुपर्छ , म भने सर्बसम्मत नेतृत्वको पक्षमा रहेको छु ।

तपाईको चाहि कुन पदमा उम्मेरद्धवारी पर्ने हो नि ?

सचिब वा उपसचिब कुन पदमा हुने हो निधो भएको छैन । मलाई सचिब पदमा, मेरो ईन्छा छ । टिमले उपसचिबमा बस्नु भनेर जिम्मेवारी दियो भने म त्योपनि मान्न तयार नै छु ।

नेकपा एमाले जिल्ला कमिटीको सचिब जस्तो महत्वपुर्ण पदमा रहेर काम गर्न सक्छु भन्ने तपाई संग के के आधार हरु छन ?

म संग निकै लामो राजनैतिक अनुभव अब भई सकेको छ । मैले २०४६ साल देखि राजनिति जिबन अनेरास्ववियु शंकर उमाविमा मा.वि. प्राक वाट शुरुवात गरेको हुँ । २०५२ मा भएको अनेरास्ववियुको १२औ जिल्ला सम्मेलन वाट सदस्य पदमा निर्बा्चित भए पछि निरन्तर सकृय छु अनेरास्ववियुको एक पटक जिल्ला कमिटीको सचिब , दुई कार्यकाल अध्यक्ष , एक कार्यकाल रापस र एक कार्यकाल म अनेरास्ववियुको केन्द्रिय सदस्य विजयी भएर काम गरेको हुँ । ०६२÷६३ को लोकतान्त्रिक आन्दोलन भएको बेला म अखिलको केन्द्रिय कमिटी सदस्य थिए । मेरो नेतृत्वमा आन्दोलन हुँदाहुँदै प्रहरीले पक्राउ गरि ९ दिन हिरासत राखेको हो । यहि विचमा म प्रेश चौतारी नेपालको प्रथम र दोश्रो कार्यकालको अध्यक्ष पनि भएर काम गरे । त्यसपछि म २०६२ साल देखि अनेरास्ववियु वाट विदा लिएर पार्टीमा जल्जले गाउँ कमिटीको सचिबको जिम्मेवारी बहन गरे । ८ नं ईलाका कमिटीको उपसचिब हुँदै २०६६ देखि म पार्टीको जिल्ला कमिटी सदस्य भएर निरन्तर काम गरेको छु । यस कार्यकाल मेरो जिल्ला कमिटीमा दोश्रो कार्यकाल हो । अब तेश्रो कार्याकालको लागि यो दशौ जिल्ला अधिबेशनमा सचिब पदमा मेरो उम्मेरद्धारी दिने तिब्र ईन्छा छ । सर्ब सम्मत भए धेरै राम्रो हुनेछ । यदि भएन भने पनि लोकतान्त्रिक विधी र प्रकृयालाई विश्वास नै गर्दछु । म राजनितिमा लाग्द एउटा कुरा सुनेको थिए । त्यो के भने “राजनितिले देश चल्छ समाज चल्छ र राजनितिक कर्मिको जिबन पनि राजनितिले चल्छ” भनको सुनेको थिए । त्यसैले राजनितिमा कि रेफ्री कि खेलाडि हुनु पर्देा रहेछ । अहिले भने म खेलाडिको रुपमा आएको छु । रेफ्री ले राम्रो खेलाउँनु सान्र्द्भिक होला नकि गोल पोष्ट झिकेर बाहिर नलैजाईयोस भन्न चाहान्छु ।

अनि तपाईको जिल्ला कमिटीको सचिब भएपछिको एजेन्डा चाँहि केहो? 

पहिलो एजेन्डा भनेको पार्टी संन्चलान गर्ने भनेको प्राविधिक ब्यवस्थापन हो । पार्टिको जिल्ला देखि माहता कमिटी सम्मको कामलाई ब्यवस्थित गर्नु , सबै पार्टि कमिटीहरुमा सामाजिक तथा आर्थिक रुपान्तरणको अभियानलाई स्थापीत गर्ने , पार्टिको नऔ महाधिबेशनको फैसलाका आधारमा ब्यवाहारिक रुपमा नै कार्यकर्ता पंक्ति सम्म कार्यन्वयन गर्न गराउँन लाग्ने ।

दोश्रो एजेन्डा भनेको तेह्रथुम जिल्ला विकास निर्माणका हिसाबे निकै पछि परेको हुनाले विकास निर्माणमा जोड दिने ।

तेश्रो एजेण्डा भनेको आम पार्टिका कार्यकर्ताको समस्या संग जुध्ने र सहज समस्या समाधानमा लाग्ने ।

चौथो एजेन्डा भनेको पार्टी परंपरात्मक तरिकाले संचालन भईरहेको यस परिवेशमा जिल्ला कमिटी देखि जन संगठन हँुदै माहतत कमिटी सम्म नयाँ तरिकाले पार्टीको बैचारिक पाटोलाई विकास गर्ने ।

पाँचौ एजेन्डा भनेको सामुहिक नेतृत्व र ब्याक्तिगत जिम्मेवारीलाई महशुस गरि पार्टि भित्रका गुट र उपगुटहरुलाई निरुत्साहित गर्दै सिंगो नेकपा एमाले निर्माण गर्ने ।