१० कात्र्तिक / २०७३

रामबाबु गुरुङ निर्देशित फिल्म ‘पुरानो डुंगा’को प्रोमो सार्वजनिक गरिएको छ। हाईलाईट्स नेपालको युट्युव च्यानलबाट ‘पुरानो डुंगा’को तीन मिनेट १२ सेकेन्डको प्रोमो बुधबार औपचारिक रुपमा सार्वजनिक भएको हो।

यसअघि ‘कबड्डी’को दुई शृंखला निर्देशन गरिसकेका रामबाबु गुरुङद्वारा निर्देशित ‘पुरानो डुंगा’ आउँदो मंसिर १० गते रिलिज हुँदैछ। पर्यटन नगरी पोखराको बेगनास ताल आसपास खिचिएको फिल्ममा आर्थिक अभावसँग जोडिएका दुई दाजुभाइबीचको सम्बन्धलाई केन्द्रीत छ। दाजुभाइको भूमिकामा माओत्से गुरुङ र दयाहाङ राईको अभिनय रहेको छ।

purano-dunga

माओत्सेले डुंगा खियाएर आफ्नो गुजारा चलाइरहेका हुन्छन्। दयाहाङ चाहिँ सहरतिर बरालिएर हिँड्ने अवारा पनका हुन्छन्। एकदिन दाइ माओत्सेसँग अंश वापत त्यही डुंगा दयाले मागेपछि कथामा उतारचढाव शुरु हुन्छ। ‘दुई दाजुभाईको सम्बन्धको उताढचढावलाई कथावस्तु बनाएर फिल्म तयार भएको छ  फिल्मको कथा, परिवेश र पात्र फरक भएकाले दर्शकले नयाँपन महशुस गर्न पाउनेछन्,’ निर्देशक रामबाबु गुरुङले भने।

पोखरेली रंगकर्मी माओत्से गुरुङको माओत्से गुरुङ फिल्म्स् र सिनेमा आर्टले संयुक्त रूपमा फिल्म निर्माण गरेको हो । फिल्ममा माओत्से गुरुङ, दयाहाङ राई , प्रियंका कार्की, मेनुका प्रधान, डिबी गुरुङ, सुदाम सिके, बुद्धि तामाङ, पुष्कर गुरुङ, नौजङ गुरुङ, सजन थापा, विश्वास गुरुङ र मणिराम पोखरेललगायत कलाकारले अभिनय गरेका छन्।

ओमचन्› रौनियार, रौनकविक्रम कँडेल र धनबहादुर गुरुङ फिल्मका निर्माता रहेको फिल्ममा संगीतकार कालीप्रसाद बास्कोटाले संगीत दिएका छन्। फिल्मको निर्देशक रामबाबु गुरुङ र  उपेन्› सुब्बाले संयुत्त रुपमा पटकथा लेखेका हुन्। सिनेमेट्रोग्राफर शैलेन्› डी कार्कीले फिल्म खिचेका छन् भने निमेश श्रेष्ठको सम्पादन गरेका छन्।