पथरी समाचारदाता
जनावरी ३ २०१७
क्रेजी इन्टरटेइमेन्टले गायक नन्दु गुरुङको ‘हाम्लाई पनि…’ बोलको गीतको म्यूजिक भिडियो सार्वजानिक गरेको छ ।

विहिबार दमकमा अवस्थित हिमशिखर टेलिभिजनको हेल्लो पूर्वाञ्चल कार्यक्रम र युट्युव च्यानल सङ्स नेपालबाट सो म्यूजिक भिडियो एकसाथ सार्वजानिक भएको हो ।

देव गुरुङको शब्द / संगीत रहेको सो गीतमा मोडल योगेन्द्र राई र निशा इम्बुङले अभिनय गरेका छन् । सह–अभिनेताहरुमा पुकार राई, करण धिताल, जीवन सुवेदी, दिपक खालिङ, फिपराज बेघा र सन्तोष राई बी रहेका छन् ।

मोरङको जाँतेमा छायांकन गरिएको म्यूजिक भिडियो भुपेन्द्र तुम्बाहाम्फको छायांकन, अभिषेक मगरको कोरिग्राफ रहेको छ भने निर्देशन सञ्चारकर्मी सन्तोष राईले गरेका हुन् ।