२६, फेब्रुवरी २०१६

ghaite-yatruएयर काण्ठमण्डपको उडानमार्फत म जुम्लाबाट नेपालगञ्ज जाँदै थिए । मध्यान्ह १२ बजेर १५ मिनेटमा बिमान नेपालगञ्ज बिमानस्थलबाट उडेको थियो । उडेको १० मिनेटपछि विमानभित्र हामीले चुईङगम पड्काएजस्तो आवाज सुन्यौँ । पहिलो पटक पड्किदा नै डर लाग्यो । दोस्रो पटक पनि पहिलेकै जस्तो आवाजमा पड्कियो ।

तेस्रो पठक पड्किएपछि यात्रुहरु नर्भस भइसकेका थिए । पाइलटले यात्रुलाई नआत्तिन आग्रह गर्दै सुरक्षित अवतरण गराउने आश्वासन दिए । चौथोपटक अलि ठुलो आवाजमा पड्कियो । त्यसपछि त विमानमा रहेका यात्रुहरुको होसहवास उड्न थाल्यो । विमान असन्तुलित हुन थाल्यो र फाइटर विमान झै आकाशमा यताउता नाच्न थाल्यो ।

त्यसपछि विमानले एकाएक उचाइ लिन थाल्यो । असन्तुलित भएपछि पहाडमा ठोक्किन सक्ने भयले पाइलटले उचाइमा पुर्‍याएका होलान् । त्यतिबेलासम्म विमानको सन्तुलन पुरै विगि्रसकेको थियो भने यात्रु रुने कराउने गरिरहेका थिए । मेरो पनि मुटुले ठाउँ छोडिसकेको थियो ।

बिमान उचाइमा रहेको बेला म बेहोस भएँ । करिव डेढ घण्टा बेहोस भएछु । होस खुल्दा कालिकोटकै स्थानीय स्वास्थ्य चौकीमा आफूलाई पाएँ । मेरो आँखा र खुट्टामा सामान्य चोट लागेको रहेछ । अहिले स्वस्थ भइसकेको छु । त्यहाँबाट उद्धार गरिएपछि अहिले यहाँ उपचाररत छु । साभार : अनलाइन खबर